ЖУФТИ ҲАЛОЛ

Мана бир неча кундан бери Мунисанинг еган ичгани ичига тушмайди. Эри кундан кунга ўзгариб бораѐтганини қалбан ҳис қилади . Ҳис қилмасинми ? Неча йиллик ѐстиқдоши ахир . Шокиржон кейинги вақтларда секин - аста бошқа инсонга айланиб бормоқда. Аввалги ҳол сўраш , кўчадан бирон нима илиниб келтириш , аѐлига меҳрли боқишлар ўрнини бефарқлик эгаллаб бораѐтганини фақат лоқайд аѐлгина тушунмайди .

Хаммаси Шокиржоннинг таниқли фирмага ишга ўтганидан бошланди . Авваллари бир кичик корхонада туззуккина иш бошқарувчи бўлиб ишлаб турувди. Бирим икки бўлсин деб ижарага матиз машинасини олгани ҳамма фалокатни бошланиши бўлди. Ишдан сўнг машинанинг ойлик ижара пулини тўлаш мақсадида кирага чиқа бошлади. Ишлари юриша бошлаган, топганига аста - секин барака кираѐтган кунларнинг бирида машинасида бир кекса аѐлни туртиб юборди-ю, қолди балога. Аѐлни оѐғи сингани бир нави бўлди ва уни бошқа касалларини қўшиб боқиш ҳам. Хуллас , тирикчилик аро йўлда қолиб кетди . Вақтида ижара пули тўланмаган матизни эгаси "яхши гаплар" билан сийлаб машинасини қайтариб олди . Шокиржон эса шоир айтганидек , тешик тоғора ѐнида икки қўлини бурнига тиққанича қолиб кетди.

Бир келса қўша келади деганлари рост экан- да. Корхонани камомадга учраб , ѐпилиши ўлганнинг устига тепган бўлди.

Яхшиям бахтига жигарлари бор экан. Жигарлар омон бўлишсин . Бир ой атрофида ишсиз қолган ва анчайин тушкунликка тушиб қолган Шокиржонга Мунисанинг тадбиркор акаси ѐрдам қўлини чўзди. Янги очилган фирмасига оддий лавозимга ишга олган бўлса-да, аммо маоши анчагина салмоқли эди.

Муниса оддий яшайди , аммо ғурури жудаям баланд. Салкам ўн йиллик турмуши давомида қанчалар қийналмасин, бирор марта уйига бурнини тортиб бормаганди . Борганида ўзини шундай тутардики, ҳеч ким уни қийналаѐтган демас, аксинча қариндошлар уни унча - мунча ишларга қодир дея таъма илинжидаям бўлишган вақтлари кўп бўлганди.Бу сафар ҳам сир бой бермагани рост, аммо она кўнгли кўп нарсани сезган ва ўғли орқали ҳаракатга тушганди .

Аввалига Шокиржоннинг ишга киришиб кетиши қийин бўлди . Шунча ойлик руҳий зиқлик ўз таъсирини кўрсатгани ҳам рост эди . Бора -бора инсонлар билан мулоқат , ҳизмат юмушларини севиб бажариш ўз самарасини бера бошлади . Шокиржоннинг юзига қон югура бошлади . Ўзингники ўзагингни кесмайди деганларидек, ишга кирганининг бешинчи ойларида Шокиржон қайноғасининг ѐрдамчиси лавозимига кўтарилди . Энди уйдаги бир камлар ҳам аста тўлаѐтган, қозонлари аста гўштли овқатларни яна эсига тушира бошлаганди.

Китобни тўлиқ ўқиш учун Телеграм каналимизга обуна бўлинг.

Китобни PDF шаклда сақлаб олинг.