Блогер 21 млн сўм жарима тўлайди

Блогер Олимжон Ҳайдаров митинглар ташкил этиш ва ўтказиш тартибини бузганлик, ёлғон ахборот тарқатганликда айбланиб, 21 млн сўм миқдорида жаримага тортилди. У яқинда Фарғонадаги завод ишчиларининг норозилик намойиши акс этган видеони эълон қилганди, шундан сўнг 7 ишчи ҳибсга олинганди.

Қайд этиш жоизки, МЖтКда «йиғилишлар, митинглар, кўча юришлари ёки намойишлар уюштириш, ўтказиш тартибини бузганлик» учун жавобгарлик бўлишига қарамасдан, қонунчиликда мазкур тартиб баён қилинмаган. Буни ўтган йили собиқ адлия вазири Русланбек Давлетов ҳам тан олганди.