"Argentina chempion bo'lishiga ishonaman" — Pepe

Portugaliyalik faxriy himoyachi Pepe chorak finalda Marokashdan uchralgan mag'lubiyatga argentinalik hakam tayinlanishini shubha ostiga qo'ydi va FIFA rasmiylari "endi Argentinaga chempionlik titulini berishi mumkin" deb ta'kidladi.

Pepe Lionel Messining ispaniyalik hakam Antonio Mateu Laxosni keskin tanqid qilgani Argentina terma jamoasining Niderlandiya ustidan qozonilgan penaltilar seriyasidagi g‘alabasidan so‘ng, argentinalik Fakundo Telloning Portugaliyaning Marokashga qarshi o‘yindagi mag‘lubiyatini (1:0) boshqarishiga xalaqit berishi kerakligini aytdi. Messi va Argentina terma jamoasi darvozaboni Emiliano Martines Mateu Laxozni turnirning qolgan qismida tark etish kerakligini aytdi

"Kutilmagan gol o‘tkazib yubordik. Kecha sodir bo‘lgan voqeadan (1/4 finalda Argentina Niderlandiyani mag‘lub etgani) keyin argentinalik hakamning o‘yinimizni boshqarishini qabul qilib bo‘lmaydi. Messi hakamlik haqida gapirdi, butun Argentina qo‘shildi.

Ikkinchi bo‘limda nima o‘ynadik? Darvozabon yerga tinmay yiqildi. Hakam esa atigi 8 daqiqa qo‘shib qo‘ydi. Ikkinchi bo‘limda o‘yin bo‘lmadi. Achinarli. Jahon chempionatida g‘alaba qozonish uchun bizda hamma narsa bor edi, ammo bunga erisha olmadik.

Bellashuv davomida ko‘p vaqt behuda ketdi. Hakam atigi ikki marta darvozabonga to‘pni tezroq o‘yinga kiritishni aytdi. O‘z futbolimizni o‘ynashga harakat qildik. Bundan faxrlanaman. So‘nggi daqiqalargacha kurashdik, ammo g‘alaba qozona olmadik. 90 daqiqa davomida Marokash qo‘polliklar bilan o‘yinimizni to‘xtatmoqchi bo‘ldi. Hakam sariq bermadi, e’tibor ham bermadi. Menimcha, Brunu yiqilganda penalti bor edi.

Oxirgi mundialim? Xafa bo‘ldim, chunki bizda chempion bo‘lish imkoniyati bor edi. Borimni tikib, Argentina chempion bo‘lishini aytishim mumkin. Argentinalik hakamning bugun qilgan ishlari sababli. Maydondagi 9 hakamdan 5 nafari argentinalik... Yana nima deyishim mumkin? Ko‘ramiz, kim chempion bo‘ladi", — dedi portugaliyalik himoyachi CIS nashriga bergan intervyusida.