Qisqa texnik va tashkiliy tanaffusdan so‘ng platformamiz o‘z faoliyatini yangilangan formatda davom ettirmoqda. Amalga oshirilgan modernizatsiya ishlari natijasida foydalanuvchilar uchun yanada qulay, tezkor va xavfsiz muhit yaratildi.

Imkoniyatlar

Yangilanishlarning eng muhim jihati — barcha sahifalarni bitta yagona hisob orqali boshqarish imkoniyati joriy etilganidir. Bu yechim kontent yaratuvchilar, biznes egalari va oddiy foydalanuvchilarga platformadan samaraliroq foydalanish, ma’lumotlarni bir markazdan boshqarish hamda vaqtni tejash imkonini beradi.
Loyihamiz o‘zbek tilida faoliyat yurituvchi dastlabki ijtimoiy platformalardan biri sifatida milliy raqamli ekotizim rivojiga hissa qo‘shishni maqsad qilgan. Biz mahalliy kontentni qo‘llab-quvvatlash, foydalanuvchilar o‘rtasida sog‘lom muloqot muhitini shakllantirish va zamonaviy onlayn xizmatlarni keng joriy etish yo‘lida ishlashda davom etamiz.

Monetizatsiya

Monetizatsiya imkoniyatlari avvalgi tartibda saqlanib qoladi. Shu bilan birga, tizim sifatini oshirish va shaffoflikni ta’minlash maqsadida ayrim minimal talablar joriy qilinadi. Mazkur talablar ijodkorlarni qo‘llab-quvvatlash, sifatli kontent ulushini ko‘paytirish hamda foydalanuvchilar manfaatlarini himoya qilishga qaratilgan.

Muhokama va yangiliklar

Foydalanuvchilarning savollariga tezkor javob berish maqsadida avvalgidek @onlaynish Telegram guruhi faoliyat yuritadi. Platformaga oid barcha yangiliklar, texnik o‘zgarishlar va rasmiy e’lonlar esa @sherkulov_uz sahifasi orqali muntazam yetkazib boriladi. Biz barcha foydalanuvchilarni hamkorlikka chorlaymiz va yangilangan platformamiz sizlar uchun foydali maydon bo‘lishiga ishonamiz. Bizni @blogpost rasmiy sahifamizdan ko'zatib boring.